Чăваш чĕлхи эрни пынă май ачасем дистанци мелĕпе тĕрлĕ конкурссене хутшăнма пултарчĕç. Чăваш тĕнчине халалланă ÿкерчĕксен конкурсне çаксем хутшăнчĕç. Никонова К. «Çут çанталăк, тăван кил, асанне» ÿкерчĕк турĕ. Александрова Т. «Чăваш ташши», Никандрова Н. «Çуллахи пÿрт», Федорова В. «Асанне патĕнче хăнара», Иванова А. «Эпĕ чăвашла юрлама хатĕрленетĕп», Иванов К. «Пахчари çĕмĕрт» новелла тăрăх ÿкерчĕксем турĕç . Сăвăсене илемлĕ вуланине кăтартакан видеосен конкурсне Лохтина Н. хăй çырнă «Анне» сăввине  вуланине ÿкернĕ. Петров В. икĕ видео ярса панă.  Ваттисен сăмахĕсене пуçтарнă, тепринче вара «Илемлĕ, илемлĕ.. чăваш юррине хăй юрланине ÿкернĕ. Федоров К.«Нарспи» поэма сыпăкне  хатĕрленĕ. Волкова В.çăварни уявне халалланă.  Сочиненисен конкурсĕнче Павлова Е. «Тăван чĕлхене ĕмĕрне ан ман», Назаркина Н. «Манăн ĕçчен çемье, Афанасьева Я. «Туслă çемье» темăсемпе конкурса хутшăнчĕç. Чăвашсен паллă çыравçи Леонид Агаков 2020 çулхи ака уйăхĕнче çуралнăранпа 110 çул çитнĕ май Степанов А питĕ нумай материал хатĕрленине кăтартрĕ. Чăваш чĕлхи эрнине хастар хутшăнакансене пĕчĕк парнесем кĕтеççĕ.

ФОТО