Чăваш Енре 2021 çулта Сăр тата Хусан хÿтелев чиккисене  тума хутшăннисен ĕç паттăрлăхне халалланă  çулталăкра кăрлач уйăхĕн 18-мĕшĕнчен пуçласа 27-мĕшĕнчен «Блокада çăкăрĕ» акци  йĕркеленĕ.  Ленинград блокади 900 кун патне пырать. Çак кунсене  чăтма çав тери йывăр пулнă. Кашни çынна 125 грамм çăкăр тивнĕ. Çак пай çĕнтерĕве кĕтсе илме шанчăк панă. Чăваш литератури урокĕсенче те çав асаплă кунсене аса илетпĕр. Акă, тĕслĕхрен, 11-мĕш класра Леонид Агаковăн «Шанчăк» романне вĕреннĕ чух выçлăхпа вилекен ачана кăтартакан  самант пур. 6-мĕш класра Алексей Воробьевăн « Çăкăр» сăввипе паллашнă май та Блокада çăкăрне аса илетпĕр. Ленинград блокади пире пурнăçа хаклама, çĕнтерÿшĕн паттăррăн çапăçнă çынсене асра тытма  ыйтать, вĕрентет. Хальхи ăрăвăн Çĕр çинчи ытарайми пурнăçа юратасчĕ.