Пĕтĕм тĕнчери тăван чĕлхе кунне халалласа  9-мĕш класра  вĕренекенсем шкулти библиотекăра пулчĕç. Чи малтанах Николаева В. библиотекарь Чăваш енĕн пултаруллă ентешĕсене халалланă стендпа паллаштарчĕ. Чăвашсене çутта кăлараканĕ Иван Яковлевич Яковлев, Чăваш этнопедагогĕ, академикĕ  Г. Н. Волков,чăваш поэзийĕн классикĕ К. В. Иванов, Г. Айхи, Çеçпĕл Мишши пурнăçĕпе, ĕçĕ-хĕлĕпе паллашрĕç. Николай Ашмаринăн 17 томлă «Чăваш сăмахĕсен кĕнеки» пуянлăхĕ тĕлĕнтерчĕ. Тĕнчипе паллă виççĕмĕш  космонавт А. Г. Николаев  çинчен те нумай пĕлчĕç. Улатăр районĕнчи  Висяга (халĕ Крылово) ялĕнче çуралнă Алексей Николаевич Крылов чаплă математик, педагог, карап тăвакансен вырăç шкулне йĕркелекенĕ,  карап ăсти çинчен пĕлме вара тата кăсăклă пулчĕ. Пирĕн Йĕпреç районĕнчен тухнă Раççей Паттăрĕ  Константинов Леонид  Сергеевич пурнăçĕ çинчен «Прерванный полет» кĕнеки паллаштарчĕ. Библиотекăра иртнĕ экскурси пуриншĕн те усăллă пулчĕ.