«Чăваш тĕнчи» ÿкерчĕксен конкурсне  уйрăмах 5-мĕш классем  хастар хутшăнчĕç. Çак темăпа вĕсене ĕçлеме кăсăклă пулчĕ.  Кашни ача «Чăваш тĕнчине» хăйне май ăнланать иккен. Пĕрисемшĕн вăл юмахри чĕр чунсем, паттăрсем,  теприсемшĕн – тăван кил, тăван чĕлхе, атте-анне,  ыттисемшĕн - çут çанталăк  ырлăхĕ. Хавхаланса ÿкернĕ ĕçĕсемпе пĕр-пĕрне паллаштарчĕç, ĕçĕсемпе кăмăллă пулчĕç.