Чÿк уйăхĕн 26-мĕшĕ – Чăваш тĕрри кунĕ. Чăваш тĕрри  - авалтанпа упранса юлнă пуянлăх. Пирĕн халăх тĕррине тĕнчипех пĕлеççĕ. Тĕпчевçĕсем шутланă тăрăх вăл пирĕн авалхи çырулăх пулать тесе ĕнентерни те пур. Çавăнпа та  ачасем уроксенче час-часах  чăваш тĕррин историйĕпе паллашаççĕ. Чăваш тĕрри – вăл пирĕн авалхи çырулăх. Чăваш çырулăхне тĕпчесе аталантаракансем:  Е. И. Ефремова, В. А. Минеева, Евгения Жачева тата ыттисем те.   Искусство çынни А. А. Трофимов тĕрĕре мĕн çинчен каланине вуласа пĕлнĕ. «Чăваш тĕрри çыруллă» - тенĕ тĕпчевçĕ. Литературăпа 7-мĕш класс программинчи «Н. Симуновăн   «Сурпан тĕрри» ятлă пьесăна  вуласан чăваш сурпанĕ Аргентина çĕр-шывне çитме пултарнине пĕлетĕн.  Шкул библиотекинче «Чăваш тĕрри» ятлă выставка йĕркелерĕмĕр. Чăваш чĕлхи кабинетĕнче те чăваш тĕрриллĕ япаласем курма пулать. Чăваш кил-йышĕнче хĕр ачасене 6-7çултах тĕрлеме вĕрентнĕ.  Тухья, масмак чăваш тĕррипе илемлĕ.  Хальхи вăхăтра чăваш тĕррипе кăсăкланакансем питĕ нумай. Унпа чăваш çыннисем кăна мар, тĕрлĕ çĕр-шыврисем те   илемĕпе, асамлăхĕпе, вăрттăнлăхĕпе тĕлĕнеççĕ, киленеççĕ.