Иван Яковлевич Яковлев кăçалхи çул çуралнăранпа 175 çул çитсе пырать. Çавна май «Сар ачапа сарă хĕр» драма кружокне çÿрекенесем, 6-мĕш класс ачисем, Тихăн Петĕрккин «Çутталла» инсценировкине пуçламăш классем умĕнче лартса пачĕç. Иван Яковлевичăн ача чухнехи пĕр саманчĕпе паллашрĕç. Тăлăха юлнă Ивана Пахомовсен çемйи усрава илнĕ, анчах 7-8 çулхи ача ун çинчен пĕлмест.  Куракансем ун чухнехи ача-пăча пурнăçĕ хальхи вăхăтра пачах урăхлине курчĕç. Пуçламăшĕнчех Пахомовсен ирхине ирех тырă вырнă хыççăн  кăнтăрлахи апата лараççĕ. Пĕчĕк Иван та пĕрремĕш хут çурлапа тырă вырма вĕренчĕ. Рольсене вылякансем: Иван - Вадим Т., Григорий Пахомов -  Никита С., Энтри -  Захар А., Униç - Марина А., Наçтаç - Александра Н., Алтатти - Анастасия З., Глинка - Тарас В.  Хĕр ачасен ушкăнĕ те ача-пăча вăййисене кăтартрĕç. Кружока ертсе пыракан Анисимова О. Н. ачасене тав турĕ, малашне сцена ăсталăхĕ  ÿссе пырасса шантарчĕ