2023 çулхи нарăс уйăхĕн 18-мĕшĕнче Йĕпреç муниципалитет округĕн Пучинке ялĕн Культура çуртĕнче Раççей Федерацийĕн Вĕрентекен тата вĕрентӳçĕ çулталăкне, Чăваш Республикин Телейлĕ ачалăх çулталăкне халалланă республика шайĕнче «Туркай вулавӗсем – «Чăваш эп. Эп пулăп ЧĂВАШ ĕмĕрех» сăвва илемлĕ калакансен иккĕмĕш фестивалĕ иртрĕ.                 Конкурса хутшăнакан ачасем Ангелина Ф., Софья Ф., Ярослав М., Екатерина В. Валери Туркайпа Раиса Сарпи сăввисене илемлĕ каларĕç. Сумлă жюри пайташĕсем Çеçпĕл Мишши ячĕллĕ преми лауреачĕсем, чăваш халăх поэчĕсем Валери Туркайпа Раиса Сарпи, Чăваш Республикин тава тивĕçлĕ вĕрентекенĕсем, Чăваш наци конгресĕ çумĕнчи чăваш чĕлхипе литератури вĕрентекенĕсен пĕрлешĕвĕн ертӳçисем Юлия Анисимовăпа Геронтий Никифоров тата Чăваш наци конгресĕн Йĕпреç районĕн муниципалитет округĕн вырăнти уйрăмĕн пайташĕ Владимир Марушев ачасем епле вуланине  хак пачĕç. Халăх поэчĕ Валери Туркай çĕнтерӳçĕсемпе призёрсене кăçал пичетленсе тухнă хăйĕн кĕнекисене парнелерĕ.