Тĕнчери тăван чĕлхе кунне халалласа Кĕлемкасси вăтам шкулĕнче театр кружокне  çÿрекенсем Юхма Мишшин «Итлемен чăх чĕппи» пьесине 1-6 классем умĕнче  лартса пачĕç.  Пьесăри Сарри чăх чĕппи, Сартте ун амăшĕ, сарă чăх,  Аньяр йытă, Мекекек качака, Мук вăкăр, Чипей тилĕ  ролĕсене кружока çÿрекенсем ăста вылярĕç. Куракансене пьесăра пулса иртекен ĕçсен йĕрки ачасемшĕн питĕ кăсăкла пулчĕ. 6-мĕш класра вĕренекен  С.Федорова,  А. Басманцева , А.Маркиянова, К. Стаценко , 4-мĕш класри Е. Басманцев сцена çинчи ăсталăхĕпе савăнтарчĕç.  Куракансем пьеса курнă хыççăн атте-аннене итлемелли, йывăр вăхăтра пĕр-пĕрне пулăшмалли  çинчен туйса илчĕç. Тăван чĕлхе, чăваш чĕлхи мĕнле илемлĕ те çепĕç пулнине пурте туйрĕç.